النهارده وانا راجع من الشغل وقاعد جمب زميلى وبنتكلم عالديون والذى منه واذ فجأة ظهرت قدامنا عربيه هيونداى اكسنت حمرا زى طيز صاحبها ولغايه دلوقتى عادى بس اللى مش عادى رغم ان جزء منه عادى فى البلد دى اللى هو طمس اللوحات واللعب فى رقم وللا اتنين وده حق المواطن الكلب لانه رغم كده برضه بيدفع مخالفات ماعملهاش المهم اخينا ده بقى عامل ايه؟ حاطط يافطه سوده تماما بدل اللوحه الخلفيه وفى امنتصف بالظبط بس الجزء العلوى حاطط نسر مدور كده يخزق العين يعنى مافيش نمر مطموسه لأ ده لاغى اللوحه اصلا وعامل واحده على ايديه النجسه وحاطط فيها النسر بتاع الداخليه يعنى عايز يقول انا حكومه ياولاد الكلاب باخد رشوه اه لكن ادفع مخالفه لأ وماحدش يقدر يقوللى تلت التلاته كام ولعلمكم انا حاطط اللوحه السوده عشان الحسد بس لكن ممكن اشيلها والنسر لوحده كفايه ونص وتلات ارباع
والله العظيم اللوحه سوده تماما والصور عندى عالموبايل حوالى سبع صور بحالهم وده مش من حب التصوير بس عشان دى حاجه جديده لنج اللنج لكن اللعب فى رقم او اتنين ده عادى هنا فى مصر وطبيعى لانعدام الثقه بين الشعب والحكومه اما حكايه الطمس التاااااام ووضع نسر واضح فى المنتصف ده بقى منتهى الفجور وعظائم الأمور وطبعا واحنا وراه مرينا على كام خول من بتوع الداخليه اللى متلقحين عالاشارات يصطادوا واحد من غير حزام وللا بيتكلم عالموبايل وللا حتى ماشى فى حاله بس يسترزقوا منه ببريزه وللا ريال رشوه سريعه كده عشان ماياخدوش الرخص وطبعا بيشوفوا اخينا صاحب الهيونداى الحمرا اللى لون طيزه والنسر مرشوق عليها واحد فى نصف اللوحه الخلفيه وواحد كبيييييير بحجم الزجاج الخلفى كله وادينى ادى عالحلوه بلدى
المهم بقى ان حبيب الريس قصدى حبيب العادلى واضح انه مدى تعليمات صريحه بكده عشان يبقى رمز من الرموز بتاعت الداخليه لانهم مش زى البشر العاديين دول مرضى نفسيين ويحذر على المواطنين الكلاب التعامل معاهم ولامقارنة انفسهم بهم ايش جاب لجاب
لعنة الله على مصر لعنة الله على مصر بلد الفسق والفجور والوحل والكفور وحسنى وحبيب وانا وانتوا
Subscribe to:
Post Comments (Atom)
No comments:
Post a Comment